لاہور (ٹی این آئی) اینٹی کرپشن پنجاب کی لاہور میں بڑی کاروائی محکمہ آبپاشی کے ایکسئین سمیت پانچ افسران کو گرفتار کر لیا اس ضمن میں محکمہ آبپاشی کے ایک ایکسئین ، تین ایس ڈی او اور دو سب انجنئیرز پر مقدمہ نمبر 11/20 درج تھا اینٹی کرپشن کے مطابق گرفتار ہونے والوں میں ایکسئین امتیاز اکبر بھٹی ،ایس ڈی اوز محمد اسلم، فرحت علی شامل ہیں جبکہ دو سب انجنئیرز حشمت نبی اور محمد شاھد کو بھی عبوری ضمانت خارج ہونے پر گرفتار کیا گیا۔ اینٹی کرپشن نے بتایا کہ ایس ڈی او مظفر علی کی گرفتاری کے لئے چھاپے مارے جا رہے ہیں۔ملزمان نے محکمہ آبپاشی کی مشینری برانچ میں دو کروڑ چھبیس لاکھ کا جعلی ڈیزل خریدا۔ ملزمان کو آج لاہور ہائی کورٹ سے عبوری ضمانت منسوخ ہونے پر گرفتار کیا گیا۔ ڈی جی اینٹی کرپشن گوہر نفیس نےبتایا ڈائریکٹر ویجلینس اینٹی کرپشن ہیڈ کوارٹرز عبدالسلام عارف کیس میں اعلی عدالت خود پیش ہوئےاور معاملے کی تحقیقات کےلئے ڈائریکٹر ویجلینس کی نگرانی میں اسسٹنٹ ڈائریکٹرز مجیب الرحمن اور مزمل امام پر مشتمل جے آئی ٹی اس کیس پر کام کر رہی تھی ملزمان سے سرکاری خزانے کی ایک ایک روپیہ وصول کیا جائے گا
