وزیر اعلی پنجاب کے ویژن کے مطابق ستھرا پنجاب پروگرام کے تحت ضلع سیالکوٹ کے دیہات کی صفائی کا آغاز

سیالکوٹ (ٹی این آئی) ڈپٹی کمشنر محمد ذوالقرنین نے کہا ہے کہ وزیر اعلی پنجاب مریم نواز شریف کے ویژن کے مطابق ستھرا پنجاب پروگرام کے تحت ضلع سیالکوٹ کے دیہات کی صفائی کا آغاز کردیا گیا، 6 دیہی یونین کونسل سے 783 میٹرک ٹن کوڑا لینڈ فل سائٹس پر ڈمپ کرکے ان کو زیرو ویسٹ کردیا گیا جبکہ باقی یونین کونسل میں بھی زیرو ویسٹ مہم بتدریج آگے بڑھ رہی ہے۔ یہ بات انہوں نے تحصیل پسرور کے دیہات مالی پور میں ہیئوی مشینری کے استعمال سے روٹیاں کی لفٹنگ کا جائزہ لینے کے دوران بتائی، ڈپٹی ڈائریکٹر لوکل گورنمنٹ عمر امجد بیگ بھی اس موقع موجود تھے۔ ڈپٹی کمشنر محمد ذوالقرنین نے کہا کہ وزیر اعلی پنجاب کی ہدایت کے مطابق لوکل گورنمنٹ ڈیپارٹمنٹ کی زیر نگرانی ہر یونین کونسل میں کم سے کم سینٹری ورکرز اور تین لوڈر رکشوں کی مدد سے ڈور ٹو ڈور ویسٹ کلیکشن کر متعلقہ گاؤں میں قائم عارضی کوڑا کلیکشن پوائنٹ پر جمع کیا جائے گا جہاں سے ضلع کونسل ہیوی مشینری ایکسی ویٹرز اور ٹریکٹر ٹرالیوں کی مدد سے لفٹ کرکے لینڈ فل سائیٹ پر حفظان صحت کے اصولوں کے مطابق ڈمپ کرینگے تاکہ زیرو ویسٹ ہونے کے بعد دوبارہ روٹیاں یعنی بلک ویسٹ جمع نہ ہو۔