لاہور(ٹی این آئی نیوز)سابق وزیراعظم اور پاکستان مسلم لیگ (ن) کے صدر شہبازشریف سے پی ڈی ایم کے سربراہ مولانا فضل الرحمن کی ملاقات مولانا فضل الرحمن نے شہبازشریف سے ان کی رہائش گاہ پر ملاقات کی دونوں رہنماﺅں نےمجموعی سیاسی صورتحال پر تبادلہ خیال کیادونوں قائدین نے شفاف، آزادانہ اور منصفانہ انتخابات کے حوالے سے گفتگو کی اس موقع پرمولانا فضل الرحمن نے مسلم لیگ (ن) کے قائد نوازشریف کی وطن واپسی کے حوالے سے نیک تمناﺅں کا اظہار کیا۔
دونوں قائدین کا مشاورت اور اشتراک عمل سے آگے بڑھنے کا فیصلہ اوربحرانوں کو مل کر ہی نمٹانے میں دونوں قائدین کا اتفاق ہوا ہےاس موقع پر سابق وزیراعظم شہباز شریف نے کہا کہ16 میں پاکستان کو دیوالیہ ہونے سے بچانے میں مولانا فضل الرحمان نےبھرپور تعاون کیا،
سابق وزیراعظم نےکہا کہ تمام اتحادی جماعتوں نے 16 ماہ میں سیاست کا نہیں صرف ریاست بچانے کا سوچاپاکستان کو اتحاد، مشاورت اور اشتراک عمل ہی بحرانوں سے نکال سکتا ہے، شہبازشریف نے کہا قائد نوازشریف کی وطن واپسی کے بعد سیاسی وجمہوری نظام مضبوط ہوگا،
جبکہ مولانا فضل الرحمان نے کہا کہ نوازشریف کی وطن واپسی پاکستان کے لئے اچھی خبر ہے، سچ بے نقاب ہوچکا ہے کہ نوازشریف سیاسی انتقام کا نشانہ بنائے گئے، نوازشریف اور ان کے خاندان کو ناحق ستایا گیا، یہ تاریخ کا سیاہ اور افسوسناک باب رہے گا،
سابق وزیراعظم شہبازشریف نے آمد پر مولانا فضل الرحمن کا استقبال کیاملاقات میں مسلم لیگ (ن) کے سیکریٹری جنرل احسن اقبال، سابق سپیکر قومی اسمبلی سردار ایاز صادق اور عطاء اللہ تارڑ بھی موجود تھے۔
