لاہور (ٹی این آئی نیوز ) چیف انجینئر ساوتھ امجد رضا کا اورایس ای ،طارق ملغانی بہاولپور نے ٹھیکداروں سے مبینہ طور پر کمیشن کی مد میں کروڑوں روپے خورد برد کرنے کا انکشاف سامنے آیا ہے۔ با وثوق ذرائع سے معلوم ہوا کہ حکومت پنجاب نے جنوبی پنجاب میں تر قیاتی منصوبوں کے لئے ایم پی اے،ایم این ایز اور وزراء کو اربوں روپے کی لاگت سے نئی بننے والی سڑکوں کی مد میں چیف انجینئر ساوتھ امجد رضا کو تقریبا 10 ارب روپے کے ترقیاتی منصوبوں کے لئے فنڈز جاری کئے جس کے ٹینڈرز تو جاری کر دیئے گئے مگر ایس ای بہاولپور محمد طارق ملغانی مبینہ طورپر ٹھیکداروں سے ملی بھگت کر کے من پسند ٹھیکداروں کو 10 پرسنٹ کے حساب سے ٹینڈرز آلاٹ کر کے مبینہ طور پر پچاس کروڑ روپے انڈوانس کمیشن وصول کر لی ذرائع کے مطابق چیف انجینئر امجد رضا نے بھی مبینہ طور پر پچاس کروڑ روپے انڈوانس کمیشن وصول کی۔دونوں افسران کی مبینہ ملی بھگت سے قومی خزانہ کو ایک ارب روپے کا نقصان ہوا ہے جو مذکورہ افسران نے مبینہ طور ٹھیکداروں سے کمیشن کی مد میں وصول کی یاد رہے کہ مذکورہ افسران نے طمع نفسانی کی خاطر تبدیلی سرکار کے ویژن کی دھجیاں بکھیر نے کا ٹھیکہ لیا ہوا ہے۔تاہم اس حوالے سے چیف انجینئر ساوتھ امجد رضا اور ایس ای طارق ملغانی نے لگنے والے الزامات کے حوالے سے موقف دینے سے انکاری ہیں۔
