پنجاب میں رواں مالی سال 740 ارب روپے کے ڈویلپمنٹ پروگرام پر کام جاری ہےہر علاقے کی ترقی کیلئے خصوصی پیکیج دیا۔عثمان بزدار

لاہور (ٹی این آئی نیوز)وزیراعلیٰ پنجاب سردار عثمان بزدار سے گجرات سے تعلق رکھنے والے اراکین پنجاب اسمبلی کی ملاقات اراکین اسمبلی نے اپنے اپنے  حلقو ں کے مسائل کے حل اور فلاح عامہ کے جاری منصوبوں پر تبادلہ خیال کیا جس پر وزیر اعلی پنجاب نے کہا کہمنفی سیاست کا جواب ہمیشہ عوامی خدمت سے دیا ہے۔ایک طرف ہماری خدمت کی سیاست ہے اور دوسری طرف اپوزیشن کی منفی سیاستملک میں پی ڈی ایم کی انتشار پھیلانے کی سیاست نہیں چلے گی۔

عثمان بزدار نے کہا ہم کام کر رہے ہیں اور اپوزیشن شر پھیلا رہی ہےیہاں صرف خدمت کی سیاست کو پذیرائی ملے گیہماری حکومت کو پنجاب کی تاریخ کا سب سے بڑا ڈویلپمنٹ بجٹ دینے کا اعزاز حاصل ہوا ہے۔وزیر اعلی نے اراکین اسمبلی کو کہا کہ پنجاب میں رواں مالی سال 740 ارب روپے کے ڈویلپمنٹ پروگرام پر کام جاری ہےہر علاقے کی ترقی کیلئے خصوصی پیکیج دیا ہےاب کوئی علاقہ ترقی کے ثمرات سے محروم نہیں رہے گا۔ انہوں نے کہا کہماضی میں ترقی کا جھانسہ دیاگیا،حقیقی ترقی کادوراب شروع ہوا ہے۔

وزیراعلیٰ عثمان بزدار سے ملاقات کرنے والوں میں تحریک انصاف ضلع گجرات چوہدری لیاقت علی بھدر ایم پی اے ،سلیم سرور جوڑا، میاں محمد اختر حیات،  اور محمد ارشد چوہدری شامل تھے۔