منڈی بہاؤ الدین (ٹی این آئی)پنجاب کے ضلع منڈی بہا الدین میں ڈنڈوں کے وار سے پولیس اہلکار جاں بحق ہو گیا۔شہید کانسٹیبل نفری کے ہمراہ 2 بھائیوں میں جھگڑے کی اطلاع پر موقع پر پہنچا تھا۔پولیس کے مطابق منڈی بہا الدین کے علاقے سوہاوہ میں 2 بھائیوں کے درمیان جھگڑے کی اطلاع پر پولیس ٹیم پہنچی تھی جہاں ملزم نے اس پر مبینہ طور پر ڈنڈے سے حملہ کر دیااس دوران سر پر ڈنڈا لگنے سے کانسٹیبل وقاص موقع پر جاں بحق ہو گیا۔پولیس نے ملزم کو گرفتار کر کے جاں بحق اہلکار کی لاش اسپتال منتقل کر دی ہے،جاں بحق ہونے والے پولیس کانسٹیبل وقاص کی 6 ماہ قبل شادی ہوئی تھی۔
